#A25 - Sarriguren BHI - Ikasnova

Azaroaren 25a (Emakumeen aurkako Indarkeria Desagerrarazteko Nazioarteko Eguna) egun ezberdina izan da IES Sarriguren BHIn. Ikaslegoa hari morez osatutako gortina batetik sartu ziren ikastetxera, eta hainbat jarduera egin zituzten egunean zehar: patio orduan kontzentrazio bat, ikastetxe osoa bertan zela, eta jarduerak desberdinak ikasgelan.

DBHko 3. eta 4. mailako eta Batxilergoko 1. mailako ikasleek genero indarkeriaren gaia landu zuten "Nagore" dokumentalaren eskutik, eta DBHko 1. eta 2. mailako ikasleek portaera matxista batzuk identifikatzeko lan egin zuten, bi film laburren proiekziotik abiatuta.

Ikasleek genero-problematikari buruz helarazi nahi izan zituzten iruzkinak eta mezuak postontzi batean jaso ziren. Eskerrik asko bihotzez zuen parte-hartzeagatik. Talde feministak eta Bizipozak pankartak egin zituzten, eta sarreran jarri zituzten. Sendak eta UCEk "esku moreak" egin zituzten.Guztion eskubideak errespetatuko dituen mundu hobea sortzen ari gara.

Argazki eta bideoak ikusi.